Google ADS

Kosova mposht Luksemburgun për t’u kualifikuar në gjysmëfinale

23:26 | 16 Qershor 2017
Arbresh Info

Kosova e ka fituar bindshëm ndeshjen të cilën e ka vlerësuar më të rëndësishmen në kampionatin e IHF-së të vendeve me hendboll në zhvillim.

Përfaqësuesja e Kosovës në hendboll (meshkujt) të premten mbrëma në Veliko Gabrovo të Bullgarisë fitoi me 11 gola dallim, 34:23, ndaj Përfaqësueses së Luksemburgut.

Ndeshja i takoi çerekfinales së kampionatit që po zhvillohet në Bullgari, në të cilin po paraqiten 16 përfaqësuese të vendeve që hendbollin nuk e kanë në nivelin më të lartë.

Kalimi i çerekfinales, përkatësisht arritja në gjysmëfinale, është vlerësuar sfida kryesore për Kosovën.

Tash Kosova ka gjasa reale të përfundojë të paktën e treta, që do t’i mundësojë kalimin në raundin kryesor eliminator për “Euro 2020”. Përmes parakualifikimeve, Kosova nuk ia kishte dalë të kalonte në këtë fazë, pasi kishte mbetur pas Estonisë e Turqisë. Por me fitoren e së premtes, gjasat që Kosova të arrijë raundin kryesor eliminator për “Euro 2020” janë rritur shumë.

Shpërndaje në rrjete sociale

Lajmet më të lexuara

Të ngjashme

Foto lajm