Kosova luan sot si mysafire e Andorrës

08:58 | 12 Tetor 2023
D.H

Kosova luan sot ndeshjen e radhës kualifikuese për “Euro 2024” si mysafire ndaj Andorrës.

Sfida fillon nga ora 20:45 dhe luhet në “Estadi Nacional”, të Andorrës shkruan Arbresh.info.

“Dardanët” në këtë udhëtim shkojnë me shumë mungesa por pa marr parasysh, fitorja është i vetmi opsion për Kosovën në këtë sfidë.

Për këtë sfidë nuk do jenë të gatshëm kapiteni i kombëtares Amir Rrahmani, top sulmuesi Vedat Muriqi dhe Edon Zhegrova.

Andorra në ndeshjen e parë ka arritur të marrë një barazim ndaj Kosovës, në Prishtinë me rezultat 1-1, në ndeshjen e luajtur në muajin mars.

Kosova dhe Andorra janë pjesë e Grupit I, aty ku pas gjashtë ndeshjeve prinë Zvicra me 14 pikë, Rumania është e dyta me 12 pikë, në vendin e tretë është Izraeli me 11 pikë, ndërsa në vendin e katërt është Bjellorusia me katër pikë, aq sa ka edhe Kosova një pozitë më poshtë kurse Andorra është e fundit me dy pikë./Arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm