Google ADS

Kosova fiton edhe miqësoren e dytë me Kuvajtin

09:38 | 20 Dhjetor 2021
Lorik Gerbeshi

Përfaqësuesja e Kosovës në hendboll e ka fituar edhe ndeshjen e dytë miqësore me Kuvajtin. Të dielën mbrëma në Podgoricë, Kosova fitoi me 25:22.

Në fakt ndeshja u luajt deri në minutën e 55-të. Loja ishte më e ashpër se e para dhe në minutën e 55-të u lënduan dy lojtarë të Kuvajtit.

Kjo bëri që me marrëveshje të dy skuadrave pesë minutat e fundit mos të zhvillohen fare dhe të vlejë rezultati i minutës së 55-të.

Djemtë tanë kanë shfaqur ndeshje cilësore dhe ishin në epërsi prej fillimit.

Ndërkohë përzgjedhësi Bujar Qerimi ua ka dhënë rastin të gjithëve. Dy ndeshjet me Kuvajtin ishin shumë të rëndësishme për të ardhmen e Kombëtares.

Janë promovuar emra të rinj që do të shërbejnë për të rritur konkurrencën. Disa prej lojtarëve debutues pritet të jenë të rëndësishëm që në ndeshjet e janarit, që janë kualifikuese.

Pas një jave përfaqësuesja jonë në Podgoricë e luan edhe një miqësore me Malin e Zi./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm