Konfrontohen Rrahmani dhe Romagnoli

22:29 | 15 Shtator 2019
Arbresh Info

Milani është duke e mposhtur 0-1 Veronën në “Marc’Antonio Bentegodi”.

Në minutën e 68’, nga pika e bardhë e penalltisë shënoi sulmuesi, Krzysztof Piatek, për të zhbllokuar rezultatin.

Penalltia u fitua me ndihmën e VAR, lojtarët vendas assesi të pajtohen me vendimin e gjyqtarit, pasi topi i ra në dorë mbrojtësit, Koray Gunter, pasi preku trupin e lojtarit.

Sido që të jetë, teksa lojtarët protestonin te gjyqtari, Gianluca Manganiello, në një moment, mbrojtësi i Kombëtares së Kosovës, Amir Rrahmani, pati disa fjalë me kapitenin e Milanit, Alessio Romagnoli, por lojtarët nuk lejuan të ndodhë diçka më shumë dhe gjithçka kaloi qetë.

Verona po luan me një lojtar më pak, pasi sulmuesi, Mariusz Stepinski u ndëshkua direkt me karton të kuq në minutën e 21’.

Shpërndaje në rrjete sociale

Lajmet më të lexuara

Të ngjashme

Foto lajm