Google ADS

Konfirmohet orari i ndeshjeve të Barçës kundër Sevillas dhe Malagas

08:51 | 14 Mars 2017
Arbresh Info

Barça do të përballet me skuadrën e Sampaolit në ‘Camp Nou’ të mërkurën më 5 prill, ndërsa tri ditë më vonë viziton stadiumin ‘La Rosaleda’ për takimin kundër Malagas.

Federata e Futbollit të Spanjës ka njoftuar për ndeshjet e xhiros së 30 dhe 31 në La Liga, transmeton portali arbresh.info. Të mërkurën më 5 prill në ora 19:30, FC Barcelona do të takohet me Sevillan në ‘Camp Nou’, ku skuadra e Luis Enriques synon sërish fitoren pas triumfit 2 me 1 në ‘Sanchez Pizjuan’ në fillim të sezonit.

Vetëm tri ditë më vonë, “Blaugranët” do të udhëtojnë në Andalusia për takimin ndaj Malagas. Ndeshja do të luhet duke filluar nga ora 20:45 në “La Rosaleda”. Skuadra nikoqire e këtij takimi mori një pikë nga barazimi 0 me 0 në vizitën e tyre në ‘Camp Nou’.

Të dy ndeshjet do të zhvillohen para çerekfinaleve në UEFA Ligë të Kampionëve./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm