Kombëtarja e Brazilit në telashe 6 muaj para fillimit të Kampionatit Botëror

23:15 | 3 Dhjetor 2017
Arbresh.info

Që prej eliminimit dramatik brenda në vendin e tij kanë ndryshuar shumë gjëra për pesë herë kampionët e botës. Kualifikimi, në krahasim me rivalët e Argjentinës, shkoi pa asnjë problem.

Në Rusi Brazili është sërish një nga favoritët për titullin kampion.

Por prapëseprapë kanë filluar sërish telashet për amerikano-jugorët.

Arsyeja është vendet ku do të luhen ndeshjet e fazës së grupeve, të cilat tashmë janë bërë të njohura pas shortit, përcjell Telesport.

“Nuk më pëlqen kjo gjë. Është një zhgënjim,” shprehet trajneri Tite për Folha de Sao Paulo. Diçka që mund të ishte shmangur.

Kjo për shkak se kanë zgjedhur hotelin se ku do të qëndrojnë përpara shortit dhe si pasojë Brazili tani duhet të udhëtojë plot 7000 km nga ndeshja në ndeshje, në tre sfidat e fazës së grupeve.

Diçka që e kishte llogaritur mirë Gjermania për shembull, që do të zgjedhë hotelin në varësi të vendeve ku do të udhëtojë. /Telesport/

Shpërndaje në rrjete sociale

Lajmet më të lexuara

Të ngjashme

Foto lajm