Koke është në vitin e fundit të kontratës së tij me Atletico Madridin.
Rinovimi i kontratës nuk është një problem për kapitenin, i cili gjatë viteve ka refuzuar oferta të ndryshme për t’i qëndruar besnik skuadrës së zemrës.
Mesfushori 31-vjeçar, idhull i tifozëve “Colchoneros” dhe një lojtarët kyç për Diego Simeonen, foli për Marca në lidhje me kontratën e re, duke theksuar se nuk mendon për asgjë tjetër.
“Ju tashmë e dini idenë dhe filozofinë time të jetës, unë jam tek Atletico që prej moshës 6 vjeçare dhe dua të vazhdoj të jem këtu. E njoh mirë situatën e klubit. Sa herë që nevojitej ndihmë, unë kam qenë i pari që kam ndihmuar Atleticon”, tha Koke.
Më tutje ai tregoi dëshirën e madhe që ka të jetë pjesë e klubit edhe më tej por që nuk varet vetëm nga ai.
“Dëshira ime është e qartë, por jo gjithçka varet nga unë. Sigurisht që unë nuk dua të bëhem barrë për klubin”, u shpreh kapiteni, i cili me Atleticon ka fituar 8 trofe, mes tyre dy La Liga dhe dy Europa League, ndërkohë që ka humbur dy finale të Champions League”, potencoi ai.
Kujtojmë se Koke debutoi në verën e vitit 2013 me kombëtaren e Spanjës dhe ka 70 paraqitje./arbresh.info/
Maqedonci për Afrim Bunjakun: Figura të tilla nuk vdesin, dh...
Ish-portieri i Real Madridit dëshiron të transferohet te Bar...
Gratë ruse përballen me presion pasi kërkuan kthimin e burra...
Haradinaj viziton familjen e Afrim Bunjakut: Ra heroikisht n...
Një vit nga sulmi terrorist në Banjskë, Hovenier: Autorët të...
Pamje nga vizita e Kurtit në shtëpinë e heroit Afrim Bunjaku