Klopp realist pas ndeshjes: Real Madrid kaloi tutje me meritë, na penalizoi ndeshja e parë

08:50 | 16 Mars 2023
K.B

Trajneri i Liverpool, Jurgen Klopp është prononcuar për media pas eliminimit nga Liga e Kampionëve.

Trajneri gjerman tha se Real Madrid e meritoi plotësisht kalimin tutje, duke përsëritur që ndeshja e parë vendosi gjithçka.

“Të humbasësh 5-2 nuk është një rezultat i shkëlqyeshëm nëse dëshiron të kalosh tutje. Duhet të kesh një paraqitje të veçantë dhe ne nuk mund ta bënim këtë sonte. Real Madridi pati shanset më të mira, Alisson bëri dy pritje fantastike. Ekipi i duhur kaloi tutje, duhet ta pranojmë këtë. Fazat e eliminimit janë të tilla. Nuk është ajo që donim, por është ajo që morëm“, tha Klopp pas ndeshjes.

Kujtojmë se trajneri herën e fundit kur u mposhtën nga Real Madridi në finalen e Ligës së Kampionëve, kishte thënë se ta rezervojnë biletën për hotel, pasi ishte i bindur se ekipi i tij do të ishte fituesi i Champions League.

Mesa duket gjerat nuk shkuan siç i kishte planifikuar Klopp.

Shpërndaje në rrjete sociale

Lajmet më të lexuara

Të ngjashme

Foto lajm