Khedira në Juve deri në përfundim të kontratës

14:33 | 31 Mars 2017
Arbresh Info

Mesfushori i Juventusit, Sami Khedira siç duket ka vendosur për të vazhduar qëndrimin në klub deri të përfundoj kontrata e tij duke i dhënë kështu fund edhe thashethemeve rreth transferimit në MLS.

Bazuar në disa raporte nga mediat italiane, reprezentuesi i Gjermanisë ka shprehur dëshirën e tij për të qëndruar në Turin edhe për dy sezone pas përfundimit të edicionit aktual, transmeton portali arbresh.info.

29-vjeçari ka pasur një rol të rëndësishëm në mesfushën e trajnerit Massimiliano Allegri këtë edicion pas 20 paraqitjeve deri tani në Serie A.

Thashethemet pretendonin se Khedira mund të transferohet në MLS pas një numri të madh lëndimesh, por me paraqitjet e fundit të përmirësuar, duket se ai do të vazhdoj kontratën e tij që skadon në qershor të vitit 2019./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm