Në mesjavë do të luhen ndeshjet e rrethit të gjashtë të Superligës A, në të dyja konkurrencat.

Në konkurrencën e femrave të dyja ndeshjet zhvillohen ditën e mërkurë. Padyshim që vëmendja do të jetë në Gjilan në ndeshjen ndërmjet Dritës si nikoqire dhe Skenderaj si mysafirë.

Kjo ndeshje do të jetë përcaktuese se cila nga skuadrat do të kualifikohet në finale. Vetëm fitorja eventuale e dërgon ekipin cilindo ekip në finale.

Ndërsa në Prishtinë M Technologie do të pret Kastriotin e cila nuk ka ndonjë pretendim për finale, mirëpo me fitore eventuale mund ti prish punë ekipit të M Technologie. Ndeshja Drita-Skenderaj transmetohet drejtpërdrejt në RTK1.

Në konkurencen e meshkujve gjërat janë definuar dhe tashmë dihet se në finale do të jenë Ferizaj dhe Prishtina Volley. Ndeshja e së enjtes do të jetë përcaktuese së cili ekip do të fitoj përparësinë e terenit për finale. Ndeshja e rrethit të gjashtë që luhet në Ferizaj të enjten nga ora 17:00, do të transmetohet drejtpërdrejt nga platforma sportive ArtMotion – Artsport.

Ekskluzivitetin për Superligën e meshkujve do ta ketë platforma e njohur sportive Artmotion, e cila do të sjellë për adhuruesit e këtij sporti, transmetime nga Prishtina, Ferizaj e Suhareka.

Në anën tjetër, FVK ka arritur marrëveshje me Radio Televizionin e Kosovës, të cilit ia ka besuar ekskluzivitetin e transmetimit të ndeshjeve në elitën e femrave në volejboll, nga Prishtina, Gjilani e Ferizaj./arbresh.info.