Disa prej yjeve më të mëdha shqiptare të futbollit, përfshirë përfaqësuesin e Zvicrës Granit Xhakën dhe atë të Kosovës Milot Rashicën, do ta luajnë një ndeshje futbolli bamirësie për familjet nevojtare, sonte në stadiumin Fadil Vokrri në Prishtinë.
Ylli i Arsenalit Xhaka, me ekipin e tij, kundër ekipit të yllit të Werder Bremen Rashicës do ta zhvillojnë një ndeshje bamirëse për familjet nevojtare sonte. Tani janë zbuluar edhe fanellat që do t’i kenë të veshura këta lojtarë, raporton Gazeta Express.
Biletat do të jenë falas për tribunat jug dhe veri, ndërkohë ato në lindje kushtojnë 2 euro copa dhe 3 euro copa për ato në tribunën perëndimore. Të gjitha të hyrat nga shitja e biletave do t’u ndahen dhjetë familjeve nevojtare.
Përveç futbollistëve si Granit Xhaka e Milot Rashica, do të jenë edhe emra të tjerë nga Përfaqësuesja e Kosovës, ajo e Zvicrës si dhe Kombëtarja shqiptare.
Ermir Lenjani, Mërgim Mavraj, Arlind Ajeti, Albian Ajeti e Visar Bekaj që janë aktiv nëpër përfaqësueset respektive. Emrat tjerë janë edhe Armend Dallku, Shefki Kuqi, Xhevdet Llumnica, si dhe këngëtaret Ledri Vula e Mc Kresha.
Në këtë ngjarje të kryeqytetit kosovar do të luajnë edhe emra tjerë nga kultura e sporti. Kjo ndeshje pritet të startojë me fillim nga ora 20:00 në stadiumin Fadil Vokrri në Prishtinë.
Kjo ndeshje është organizuar dhe mbështetet nga Federata e Futbollit e Kosovës dhe Komuna e Prishtinës.
Bayerni raporton Barcelonën në UEFA pas sulmit që iu bë para...
Kurti uron Ditën Kombëtare të Çekisë: Një nga partnerët tanë...
Blinken, thirrje urgjente për zgjidhje të konfliktit në Liba...
Vuçiqi me Von der Leyen folën edhe për Kosovën: Ia shpjegova...
Aliu viziton fillimin e punimeve në rrugën rajonale Nadakovc...
Diana tregon çka i pëlqen te Mevlani, ai ‘alivanoset’