Gjyqtari anglez Michael Oliver është bërë ndër më të përfolurit në javën që po lëmë pas.
Penalltia e akorduar në të mirë të Real Madridit në sfidën çerekfinale ndaj Juventusit ka bërë që për të të ketë shumë akuza nga adhuruesit e futbollit.
Por tifozët kanë shkuar aq larg sa kanë kërcënuar me jetë edhe bashkëshorten e gjyqtarit anglez, Lucy Oliver.
Televizioni britanik BBC ka publikuar lajmin se policia londineze ka nisur një hetim për kërcënimet e marra nga Lucy, shkruan Telegrafi.
Bashkëshortja e gjyqtarit anglez ka mbyllur llogarinë e saj në Twitter, por tifozët i kanë publikuar numrin personal të telefonit.
Në telefonin e saj kanë ardhur qindra mesazhe kërcënuese dhe ajo është detyruar ta paraqes rastin në polici.
Edhe Lucy Oliver ashtu si bashkëshorti i saj Michael ushtron profesionin e gjyqtares në Ligën Premier të femrave.
Ndeshja për të cilën familja Oliver është kërcënuar, ishte mes Real Madridit dhe Juventusit në kuadër të çerekfinales në Ligën e Kampionëve, ku Juventus triumfoi me rezultat 1-3 por që Madrilenët kaluan tutje me rezultat të përgjithshëm 4-3.
Janjiq: Luhatjet politike rreth njohjes së Kosovës të panevo...
Maqedonci: Armatosja e Serbisë, rrezik për stabilitetin në B...
“Më pëlqen Cristiano, por idhulli im është Messi”, sensacion...
Trump: Vdekja e Sinwar lehtëson perspektivat e paqes në Gaza
Bislimi: Progresi i integrimit evropian të Kosovës, nuk ka q...
Theren me thikë dy të mitur në Fier, në pranga bien dy perso...