Google ADS

Keidi Bare po shkëlqen te Espanyoli, klubi i vendos çmimin prej 10 milionë euro

16:35 | 21 Janar 2021
A. B.

Keidi Bare e kishte të vështirë fillimin te Espanyoli, pasi vuajti disa probleme burokratike, ndërsa më pas një dëmtim.

Por ai është kthyer edhe është një nga lojtarët më të rëndësishëm të skuadrës katalanase e cila për momentin kryeson renditjen në La Liga 2 me 45 pikë pas 21 ndeshjesh dhe ka shanse të mëdha për t’u rikthyer në La Liga.

Me paraqitjet e mira Bare ka tërhequr vëmendjen e klubeve të ndryshme, nga La Liga dhe Serie A.

Sipas ueb faqes “La Grada” në Spanjë, çdo klub që e do Baren do të duhet të paguajë jo pak për kartonin e tij.

Ai ka një klauzolë largimi që shkon në rreth 10 milionë euro.

Parma ka qenë klubi më i përfolur për të marr lojtarin, i cili te Espanyoli kaloi nga Malaga për rreth 2 milionë euro.

Bare është aktivizuar në 12 takime me Espanyolin në kampionatit dhe Kupës së Mbretit. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm