Google ADS

KB Prishtina në gjysmëfinale të Kupës së Kosovës, triumfon bindshëm ndaj Trepçës

18:19 | 27 Shkurt 2019
Arbresh Info

Me një fitore bindëse në palestrën e re në Rahovec, KB Prishtina ka vazhduar tutje në raundin tjetër të Kupës së Kosovës.

Takimi i zhvilluar në kuadër të çerekfinales së Kupës së Kosovës përfundoi me rezultat 99:58 në favor të skuadrës nga kryeqyteti jonë, shkruan portali arbresh.info.

Diferenca ishte arritur qysh në çerekun e parë, të cilin KB Prishtina e mbylli me 16 pikë më shumë se Trepça (26:10). Ngjashëm vazhduan edhe në çerekun tjetër për të përfunduar pjesën e parë të takimit të sotëm (e mërkurë) me 29 pikë në avantazh (52-23).

Çereku i tretë u mbyll me rezultat 78:31, ndërsa rezultati përfundimtar i ndeshjes u mbyll me 41 pikë avantazh (99-58).

Suksesi i KB Prishtinës nuk ka të ndalur ndërkohë që së fundmi ata kanë shkruar historinë pas kualifikimit në mesin e 16 ekipeve më të mira në FIBA Evropa Kupë.

Rivali i ardhshëm në gjysmëfinale do të jetë fituesi i ndeshjes mes Yllit dhe Feronikelit

Finalja e këtij Kupës së Kosovës zhvillohet më 3 mars./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm