Google ADS

KB Prishtina, kampione e Superligës së Kosovës

23:01 | 10 Maj 2019
Arbresh Info

Prishtina ka siguruar fitoren e tretë në ndeshjen e katërt finale kundër Rahovecit duke u shpallur kampione.

Klubi nga kryeqyteti mposhti si mysafirë në palestrën “Mizahir Isma” skuadrën e Rahovecit në takimin e katërt në kuadër të finaleve të Play-Off’it, shkruan portali arbresh.info.

Edhe pse kishte ndërprerje të ndeshjes nga gjytarët si pasojë e hyrjes së një tifozi në zonën VIP ku edhe u sulmua kapiteni Edmon Azemi i skuadrës mysafire, ndeshja rifilloi me tu zbrasur palestra.

Çereku i parë përfundoi me rezultat 22:18 në favor të Rahovecit, por Z Mobile Prishtina ndryshoi gjërat në çerekun e dytë duke përmbysur rezultatin 32:45.

Prishtina ruajti epërsinë edhe në vazhdim duke i dhënë fund shpresave të skuadrës nikoqire për ndeshjen e pestë mes tyre.

Çereku i tretë përfundoi me rezultat 53:75, ndërsa çereku i fundit me rezultat 75: 105.

Me këtë fitore, KB Prishtina ktheu titullin e kampiones në kryeqytet duke e siguruar atë për herë të 14-të./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm