Ish-presidenti i Barcelonës, Joan Laporta, i cili është kandidat për t’u kthyer në postin e mëparshëm, i ka befasuar tifozët e Real Madridit me vendosjen e një posteri të madh reklamues vetëm disa qindra metra nga Santiago Bernabeu.
Laporta, i cili i ka udhëhequr Blaugranët gjatë viteve 2003-2010, është në garë për ta zëvendësuar Josep Maria Bartomeun në zgjedhjet presidenciale të klubit që mbahen në muajin mars.
Por, mëngjesin e të martës, tifozët e Realit janë zgjuar për të parë posterin e madh të portretit të tij në një ndërtesë që ndodhet shumë pranë stadiumit të Los Blancos.
“Mezi pres t’ju shoh sërish”, është mbishkrimi, të cilin Laporta e ka zgjedhur si moto.
Ndryshe, 58-vjeçari konsiderohet favoriti kryesor për ta marrë drejtimin e Barcelonës dhe ka premtuar pesë top-blerje për ta rikthyer klubin në majat e futbollit. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite