Google ADS

Juventusi do të testojë vendosmërinë e Real Madridit për Toni Kroos

23:42 | 25 Dhjetor 2023
D.H

Juventusi do të testojë vendosmërinë e Real Madridit për Toni Kroos.

Kështu raporton Paolo Paganini i RAI-t , i cili bën të ditur se klubi italian do të bëjë një përpjekje në janar për mesfushorin e Los Blancos.

Marrëveshja aktuale e Kroos me Real Madridin skadon në qershor, ndërsa lojtari ka të drejtë negociatash me të gjitha klubet që nga janari.

Paganini tha për Bianconerinews.it: “Kroos do të vlerësojë ofertat e tjera, përfshirë atë të Juventusit pas sondazhit të disa javëve më parë, i cili mu konfirmua në Monte Carlo”.

“Mesfushori është në një udhëkryq: të përfundojë karrierën e tij në Real Madrid ose të shkojë diku tjetër”.

“Në Spanjë njerëzit po flasin përsëri për Kroos, kontrata e tij skadon në 2024 dhe së shpejti do t’i kërkohet të vendosë për të ardhmen e tij. Juventus mund të përpiqet të bëjë një lëvizje”, ka shtuar më tej ai./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm