Juventus në “pole position” për të nënshkruar me Wijnaldum

19:15 | 10 Dhjetor 2021
Lorik Gerbeshi

Juventus dëshiron të nënshkruajë me Georginio Wijnaldum, sipas “Tuttomercato”.

Holandezi iu bashkua Paris Saint Germain nga Liverpooli në merkaton e fundit si lojtar i lirë.

“Bianconerët” ishin një nga klubet që donin të nënshkruanin atëherë, por ai pranoi ofertën e parisienëve.

Koha e tij në klubin francez nuk ka qenë aq e mirë sa ai dëshiron pasi Mauricio Pochettino nuk po e aktivizon gjithmonë.

Kjo e ka bërë atë të mendojë për të ardhmen e tij dhe raportohet se ai mund të largohet.

Juve është e hapur për ta blerë atë, por bardhezinjët po përballen me konkurrencën e Interit në Serie A.

Kampionët në fuqi gjithashtu kanë nevojë për më shumë trupa në mesfushën e tyre dhe do të përpiqen të mposhtin Juventusin për ta sjellë atë në Itali./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm