Juventusi nuk ka prezantuar asnjëherë lojtarët e tyre të rinj para tifozëve dhe ka zgjedhur për t’i qëndruar besnik këtij stili si një klub.

Vendimi befasues i Juventusit për të prezantuar lojtarin e tyre të transferuar për një tarifë rekorde – sulmuesin Cristiano Ronaldo, me dyer të mbylla ka shkaktuar një tronditje madhështore në Itali, ku pritshmëritë kanë qenë që ylli portugez të parakalonte para tifozëve të kampionit në Serie A në stadiumin Allianz, transmeton portali arbresh.info.

Në fakt, deri dje, mediat në Itali kanë qenë shumë të zëna duke folur për shfaqjen spektakolare, madje ‘Gazzetta dello Sport’ thoshte se do të kishte edhe DJ të vlerësuar ndërkombëtarisht dhe efekte të tjera speciale.

Juventusi i qëndron politikës së tyre

Megjithatë, Vecchia Signora i ka dhënë fund të gjitha këtyre duke thënë se nuk do të ndodhë një event i tillë. Në të vërtetë, vetëm një ndryshim i vogël do të jetë mes prezantimit të Cristianos  të hënë dhe çdo lojtari tjetër të Juves.

Pra, 33-vjeçari do t’i nënshtrohet një testi mjekësor para se të dal në konferencë për shtyp në kapin stërvitor të klubit ose në stadium, transmeton portali arbresh.info.

Juventusi nuk ka prezantuar asnjëherë lojtarët e tyre të rinj para tifozëve, një politikë që ishte aplikuar gjithashtu edhe kur Gonzalo Higuaini iu bashkua skuadrës për një tarifë, që para marrëveshjes me Cristianon këtë javë, ishte rekorde.

“Zonja e Vjetër” do t’i qëndroj besnike këtij stili dhe nuk do të bëjë përjashtime as për “transferimin e shekullit”./arbresh.info/