Trajneri i Liverpoolit, Jurgen Klopp është i bindur që Xherdan Shaqiri ka ende potencial të pashfrytëzuar derisa kosovari ka filluar të gjej këmbët e tij në skuadrën e re.

Reprezentuesi i Zvicrës ka startuar në dy paraqitje radhazi dhe ka shkëlqyer në të dy ndeshjet duke krijuar asistime si në fitoren ndaj Huddersfield Town ashtu edhe në demolimin që ia shkaktuan skuadrës serbe Red Star Belgrade, transmeton portali arbresh.info.

Këto performanca kanë larguar shqetësimet se si ish lojtari enigmatik i Bayern Munichut do të përshtatej me intensitetin e lartë të Liverpoolit dhe stilin me presion të vazhdueshëm ndaj rivalëve.

Klopp ka përshkruar gatishmërinë e Shaqirit për të kontribuuar edhe në kërkesat defanzive si një gjë e “mirë për tu parë”, ndërkohë që lavdëron dimensionin ndryshe që ka sjellë te kandidati për titull në Premierë Ligë.

“Nuk mendoj se dikush ka një ide për momentin se sa i mirë Shaqiri mund të jetë. Nuk është një kritikë, është vetëm kështu se si është”, ka thënë Klopp, transmeton portali arbresh.info.

“E kam njohur atë që kur ai ishte 19 vjeç në Bayern dhe ai vetëm se ishte një talent i shkëlqyer. Ai kishte një vit të parë shumë të mirë. I dyti nuk ishte aq i mirë, por kjo mund të ndodhë. Më pas u largua”

“U zhduk pak. Në Inter fillimisht dhe më pas në Stoke. Falë zotit, ai nuk u zhduk [përgjithmonë]”

“Ai gjithmonë kishte momentet e tij. Kur unë kërkova nga ne të marrin disa skena të Shaqirit, askush nuk tha: Mos, Shaqirin? Me të vërtetë?”

“Kur ne më pas i ndamë ato duke i mbledhur më pas së bashku, ishte vërtetë impresive se sa vendimtar ishte në këto situata. Madje edhe kur nuk shënonte, ai qëndronte në ndeshje”

“Nënshkrimi me të ishte një gjë logjike. Ai ende nuk është një artikull i përfunduar. Ai ka ende shumë vend për tu përmirësuar dhe kjo është një gjë e mirë”

“Ai na dhuron neve diçka ndryshe. Deri tani, ne nuk jemi mësuar me të vërtetë me pjesët e tij por ata jonë të mrekullueshme. Ky është një plus tjetër”

Shaqiri besohet se do të jetë vazhdimisht pjesë e formacionit startues në Anfield një të ardhme të afërt./arbresh.info/

https://twitter.com/LFC/status/1054963194169565184