Jude Bellingham ekzekutuesi i ri i penalltive tek Real Madridi

18:40 | 13 Dhjetor 2023
D.H

Carlo Ancelotti po mendon të zgjedh Jude Bellinghamin si ekzekutuesin e ri të penalltive për Los Blancos, raporton Diario AS.

Real Madridi ka humbur tre penallti gjatë këtij sezoni, shkruan Arbresh.info.

Të martën në ndeshjen e Champions League ndaj Union Berlinit, Luka Modrici ishte lojtari i tretë gjatë këtij sezoni që kishte humbur një penallti.

Teksa një ndeshje në kuadër të La Ligas ndaj Celta Vigos gjuajtja nga pika e bardhë e 11-metërshit iu besua Rodrygos, por as ai nuk qëlloi dot.

Se fati nuk po ju ec lojtarëve të Realit nga gjuajtja e 11-metërshit, u vërtetua dhe nga Joselu i cili në ndeshje ndaj Osasunës nuk arriti të shënoi.

Pas largimit të Cristiano Ronaldos, Sergio Ramos pati përqindjen më të mirë nga gjuajtjet e penalltisë tek Los Blancos ku nga 23 herë sa ka goditur 22 herë ishte i saktë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm