Google ADS

Joao Mario largohet nga Lokomotiva e Moskës

21:28 | 23 Korrik 2020
Arditë Shkodra

Joao Mario i ka dhënë fund aventurës në Rusi.

Anëtari i Inter, Joao Mario, i cili luajti si i huazuar te Lokomotiva e Moskës, i ka dhënë fund aventurës së tij në Rusi.

Portugezi do të kthehet në Itali pasi ka falënderuar skuadrën e Lokomotivës, duke thënë se e bënë të ndihet si në shtëpi.

“Do të doja të falënderoja të gjithë te Lokomotiva, nga presidenti deri te trajnerët, kolegët dhe tifozët, të cilët më bënë të ndihem si në shtëpi”, ka shkruar Mario, transmeton lajmi.net.

“Ka qenë kënaqësi të vishja fanellën tuaj dhe të luftoja për ngjyrat tuaja. Po largohem me ndjenjë pozitive. Gjithë të mirat”, ka shtuar portugezi.

Joao Mario luajti 18 ndeshje në Premierligën ruse këtë sezon, duke kontribuuar në një gol dhe pesë asistime.

Kontrata e Mario me Inter skadon në qershor të vitit 2022.

Shpërndaje në rrjete sociale

Lajmet më të lexuara

Të ngjashme

Foto lajm