Joao Felix insistoi për t’u transferuar te Barcelona. Dëshirë që iu plotësua në fundin e merkatos verore, me sulmuesin portugez që u huazua nga Atletico Madrid në “Camp Nou”.
Pas golit të parë në La Liga me kampionët e Spanjës erdhi edhe dygolëshi kundër Antwerpit në Champions League. Në suksesin 5-0 te Barcelonës, ku u shpall më i miri me dy gola dhe asist.
23-vjeçari, i cili pranoi uljen e pagës për të luajtur me Barçën, e lidh “rilindjen” e tij me trajnerin Xavi, ndërkohë që tregoi edhe çfarë nuk funksionoi me Diego Simeonen tek Atletico.
“Isha i bindur se ky ishte vendi ideal për mua, por nuk e prisja ta filloja kaq mirë me Barcelonën. Shpresoj të vazhdoj kështu.
Më duhej të ndryshoja, të shkoja në një vend ku të luaja futbollin që dua dhe që bëj më së miri. Më është dashur të heq dorë nga shumë para, por ia vlente sakrifica.
Tek Atletico, si dhe tek Chelsea, unë nuk u ndjeva mirë, nuk u përshtata me idetë e klubit dhe trajnerëve.
U përpoqa të bëja më të mirën time, por këtu në Barcelonë është një gjë krejtësisht ndryshe. Xavi më tha që ditën e parë të luaja për t’u argëtuar dhe këtë po përpiqem të bëj“, deklaroi Joao Felix./SS
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...