Jashari, lojtari më i mirë i gjysmësezonit tek skuadra e tij

18:53 | 26 Dhjetor 2024
D.H

Muharrem Jashari është zgjedhur lojtari më i mirë i gjysmësezonit tek skuadra e tij LNZ Cherkasy.

Këtë e ka bërë të ditur vetë skuadra ukrainase përmes një postimi në rrjetin social Facebook, shkruan Arbresh.info.

Ylli dardan ka fituar rreth 47.4% të votave nga tifozët e klubit.

“Sipas versionit të tifozëve, mesfushori “Vjollcë” u bë lojtari më i mirë i pjesës së parë të kampionatit duke shënuar 47,4% të votave”, shkruhet ndër të tjera në njoftimin e klubit.

Jashari gjithsej ka luajtur në 18 ndeshje në të gjitha garat me klubin e tij ku ka realizuar katër gola e dhuruar tri asistime.

26-vjeçari ka marrë ftesë edhe tek Kosova për ndeshjet e tetorit dhe nëntorit, ku në ndeshjen e fundit edhe ka realizuar gol./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm