Januzaj shënon gol, Sociedadi siguron garat evropiane për edicionin e ardhshëm

21:37 | 12 Maj 2022
KRG

Real Sociedadi ka marrë një fitore shumë të rëndësishme përballë Cadiz me rezultat 3-0.

Ka qenë një ndeshje ku ka shkëlqyer edhe ylli nga Kosova, Adnan Januzaj që ka realizuar golin e dytë në këtë takim.

Serinë e golave në ndeshje e hapi sulmuesi norvegjez Alexander Sorloth që shënoi në minutën e 19-të.

Ndërkohë në pjesën e dytë, Sociedad fitoi penallti të cilën në gol e shndërroi istogasi Adnan Januzaj duke ngritur epërsinë e Sociedad për 2-0.

E golin e tretë në ndeshje e realizoi i inkuadruari në lojë Portu përsëri nga penalltia.

Për Januzajn goli ndaj Cadiz ishte i tretë këtë edicion në elitën e futbollit spanjoll.

Me këto tri pikë, Sociedad ka siguruar garat evropiane pasi ndodhet në vendin e gjashtë në tabelë me 59 pikë, derisa për të siguruar përfundimisht Ligën e Evropës i duhen edhe tri pikë.

Shpërndaje në rrjete sociale

Lajmet më të lexuara

Të ngjashme

Foto lajm