Skuadrat si Ballkani, Drita, Gjilani, Prishtina, Feronikeli dhe Llapi kanë gjasa që të luajnë në Evropë.

Kështu ka thënë ish trajneri i shumë klubeve elitare, Bylbyl Sokoli gjatë një interviste për arbresh.info.

Kishte raportime se Sokoli do garojë për postin e kryetarit të FFK-së dhe tekniku prishtinas ka konfirmuar se në kohën e fundit kishte intensa që të aktivizohet si punëtor pranë FFK-së.

“Gjatë kësaj çështje nuk mund të flas, për arsye se ende nuk janë shpallur zgjedhjet edhe nuk e di procesin se si po shkojnë dhe gjatë kësaj kohe ka pasur intensa që të aktivizohem si punëtor pranë Federatës së Futbollit”, tha fillimisht Sokoli.

I pyetur për futbollin pas pandemisë, Sokoli beson që shkaku i numrit të shtuar ekziston rreziku që të ndërpritet kampionati edhe pse ai është kundër.

“Është shumë vështirë të parashikohet se çfarë do ndodh gjatë kësaj kohe, nuk e di, por kohën e fundit me shtimin e infektuarve, unë kam dilema se mund me ardh ndonjë vendim nga Instituti për Shëndetin Kombëtar dhe mund të ndërprehet, por unë jam kundër ndërprerjes sepse mendoj se tabela duhet sajohet në sajë të rezultateve në fushë dhe kampionati është duke shkuar mirë”, vazhdoi ai.

Profa gjithashtu konfirmoi se në kohën e fundit është kontaktuar nga disa skuadra, por ende asgjë s’është konkrete.

“Disa skuadra me kanë kontaktuar në ditët e fundit, konkretisht nuk ka asgjë”, theksoi tekniku prishtinas.

Në fund, Sokoli ka thënë skuadrat si Ballkani, Drita, Gjilani, Prishtina, Feronikeli dhe Llapi kanë gjasa të dalin në Evropë përmes kampionatit, kurse Drenica përmes Kupës së Kosovës, edhe pse kjo është mundësi e ulët shkaku i humbjes së thellë në ndeshjen e parë.

“Në Evropë duhet me qenë tri skuadra dhe prej tyre janë disa që ka gjasa si Ballkani, Drita, Gjilani, Prishtina, Feronikeli dhe Llapi”.

“Ballkani, Prishtina, Feronikeli dhe Drenica kanë gjasa përmes Kupës, Drenica ka një mundësi dhe ndeshja e parë ka përfunduar me rezultat bindes dhe është shumë vështirë me shpresu diçka më shumë”, përfundoi Sokoli./E.Bytyqi /arbresh.info.

https://www.facebook.com/arbresh.info/videos/684342895693940/?t=5