Italia me trajner të ri më 20 maj

20:19 | 24 Mars 2018
Arbresh Info

Alessandro Costacurta ka thënë se Italia do të emëroj trajnerin e ri më 20 maj.

“Azurrët” janë ende pa trajner që nga shkarkimi i Giampiero Venturas pas dështimit për t’i siguruar kualifikimin në Kampionatin Botëror 2018 në muajin nëntor, transmeton portali arbresh.info.

Trajneri i skuadrës U21, Di Biagio ka marrë detyrën përkohësisht dhe ka drejtuar skuadrën në miqësoren kundër Argjentinës, të cilën e humbën me rezultat 2 me 0 mbrëmjen e kaluar, dhe atë kundër Anglisë që zhvillohet të martë.

“Ne do t’iu tregojmë emrin e trajnerit të ri me 20 maj”, ka deklaruar nënkomisioneri i Federatës së Futbollit të Italisë në një konferencë për shtyp.

“Nëse ne kemi mundësi për të marrë dikë më të mirë se Di Biagio, që unë mendoj se janë shumë pak, atëherë ne do ta bëjmë këtë”

Antonio Conte, Carlo Ancelotti, Roberto Mancini dhe Claudio Ranieri janë opsionet e mundshme për Italinë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm