Google ADS

Italia solide, fiton ndaj Shqipërisë (VIDEO)

22:49 | 24 Mars 2017
Arbresh Info

Skuadra e trajnerit Giampiero Ventura vazhdon të mbetet e pamposhtur në ndeshjet kualifikuese në botërorin “Rusia 2018”.

Italia ka siguruar fitore me rezultat 2 me 0 ndaj Shqipërisë në ndeshjen e pestë të Grupit G të zhvilluar më stadiumin “Renzo Barbera” të Palermos, shkruan portali arbresh.info.

Goli i epërsisë erdhi në minutën e 12′ të ndeshjes nga mesfushori Daniele De Rossi, i cili shënoi nga goditja nga pika e bardhë. “Azurrët” dyfishuan epërsinë pas golit me kokë nga Ciro Immobile në minutën e 71′ të ndeshjes.

Vlen të theksohet se ndeshja ishte ndërprerë për shkak të tymit të jashtëzakonshëm që ishte krijuar pas hedhjes së fishekzjarrëve nga tifozët.

Kombëtarja shqiptare tani qëndron në pozitën e katërt të Grupit G me gjashtë pikë, 7 më pak se Italia në pozitën e dytë me 13 pikë, aq sa ka edhe Spanja si lidere e grupit./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm