Ish-gjyqtari i FIFA-s: Nëse doli Vecino me të kuq, e meritonte edhe Barzagli

23:46 | 28 Prill 2018
Arbresh.info

Ish-gjyqtari italian i FIFA-s, Mauro Bergonzi, ka bërë vlerësimin e takimit mes Interit e Juves, ku rastet e diskutueshme ishin të shumta, dhe disa herë u desh ndërhyrja e teknologjisë VAR.

Bergonzi ka theksuar se kartoni i verdhë ndaj Vecinos do të mjaftonte për atë ndërhyerje në Mario Mandzukicin, në humbjen 3-2 të Interit ndaj Juventusit.

Por, nëse mesfushori i Interit e meritonte të kuqin, atëhere, sipas tij, e njëjta do të vlente edhe për mbrojtësin e Juves.

“I kuqi i Vecinos: Arbitri Orsato nxjerr kartonin e verdhë, por më pas shkon tek monitori. Për mua, duke parë minutën e ndeshjes por edhe momentin, i verdhi ishte i mjaftueshëm. Barzagli ndaj Ikardit: Mbrojtësi i Juves u ndëshkua me të verdhë, por nëse do përdoret i njëjti vlerësim si ai për Mandzukic, duhej edhe Barzagli të dilte me të kuq. Faulli i Pjanic, ndërkohë që kishte kartonin e verdhë: Orsato bëri mirë që nuk e ndëshkoi me të dytin e verdhë”, ka theksuar ai.

 

 

 

Shpërndaje në rrjete sociale

Lajmet më të lexuara

Të ngjashme

Foto lajm