Interi refuzon propozimin e Juventusit për shkëmbim lojtarësh

10:12 | 2 Korrik 2022
E.H

Interi ka refuzuar një propozim të Juventusit për shkëmbim lojtarësh gjatë afatit kalimtar veror.

Dy skuadrat italiane patën biseda, por në fund nuk u arrit një marrëveshje për të bërë shkëmbim futbollistësh.

Në fakt ka qenë Zonja e Vjetër që i ka ofruar Interit mbrojtësin anësorë Juan Cuadrado si shkëmbim kokë më kokë me Edin Dzekon.

Drejtuesit e Interit fillimisht kanë menduar për ta bërë realitet këtë, por në fund Bepe Marotta ka refuzuar pasi dy sulmuesit që do të largohen janë Joaquin Correa dhe Alexis Sanchez.

Arsyeja tjetër që Inter refuzoi këtë shkëmbim është se mbrojtësi holandez Denzel Dumfires nuk do të largohet nga klubi gjatë kësaj vere.

Gjithsesi torinezët tani i mbetet të shikojnë një zgjedhje tjetër për repartin ofensivë, pasi nuk do të mund ta marrin Dzekon nga Interi./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm