Interi refuzoi nënshkrimin me yllin e Arsenalit

10:18 | 27 Shtator 2017
Arbresh Info

Interi thuhet se ka refuzuar mundësinë për të nënshkruar me mesfushorin e Arsenalit, Mesut Ozil.

Bazuar në ‘Calciomercato‘, Ozil “nuk ka qenë asnjëherë një shënjestër e vërtetë” për drejtorin sportiv të Interit Piero Ausilio dhe koordinatorin teknik Walter Sabatini, transmeton portali arbresh.info.

Uebfaqja e lartpërmendur shpjegon që 28-vjeçari është ofruar te disa klube të ndryshme italiane por ishte refuzuar nga të gjitha ato.

Mesut Ozil nuk është i domosdoshëm më për trajnerin Arsene Wenger
Mesut Ozil nuk është i domosdoshëm më për trajnerin Arsene Wenger

Ozil aktualisht fiton një pagë prej 8 milionë euro në Arsenal, por kontrata e tij skadon verën e ardhshme dhe ai nuk është më i domosdoshëm për trajnerin Arsene Wenger.

Përveç kësaj, gazeta hedhë poshtë shkëmbimin Joao Mario – Mesut Ozil pasi trajneri i “Nerazzurrëve”, Luciano Spalleti “dëshiron të vazhdojë punën me të dhe ende llogaritë në shërbimet e tij”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm