Interi do ta transferojë Gundoganin nëse dështon me Modricin

20:22 | 6 Gusht 2018
Arbresh.info

Ilkay Gundogan mund të largohet nga kampioni anglez, Manchester City.

Tuttosport shkruan sot se skuadra e Interit është e interesuar për shërbimet e mesfushorit të përfaqësueses gjermane.

E gjithë kjo në rast se italianët dështojnë ta sjellin në ekip mesfushorin kroat të Real Madridit, Luka Modric.

Nerazurrët do të përpiqen që ta transferojnë futbollistin që me Kroacinë është nënkampion i Botës, në rast të kundërt janë të gatshëm të paguajnë 43 milionë euro për turko-gjermanin.

Trajneri i Interit, Luciano Spalletti, është i etur për të nënshkruar me një tjetër mesfushor dhe ka konfirmuar interesimin për Modricin.

Ndërkohë, Gundogan është kritikuar gjatë sezonit të kaluar për mos përmbushjen e pritshmërive te City.

Ndryshe, kjo e fundit ka humbur luftën me Chelsean rreth nënshkrimit të mesfushorit të Napolit, Jorginhos.

Shpërndaje në rrjete sociale

Lajmet më të lexuara

Të ngjashme

Foto lajm