Inter në negociata të avancuara me Edinson Cavani-n

22:28 | 19 Maj 2020
Arbresh Info

Inter është në negociata të avancuar me sulmuesin e PSG-së, Edinson Cavani.

Cavani do jetë agjent i lirë në fund të sezonit dhe ka refuzuar mundësinë e rinovimit me gjigantin francez, me dëshirën për një sfidë të re, transmeton portali arbresh.info.

Prioriteti i “Neurazurëve” ishte Dries Mertens, por meqenëse belgu ka vendosur të mos largohet, tërë interesimi i skuadrës së Antonio Conte është rikthyer nga uruguaiani.

Atletico Madrid është duke provuar të transferojë 33-vjeçarin se bashku me Manchester United, por Cavani ende nuk ka kthyer ndonjë përgjigje.

Sipas Sky Sport Italia, Inter është në negociata të avancuara me lojtarin dhe është duke u munduar ta bind të kalojë në “San Siro”.

Këtë sezon, uruguaiani ka shënuar shtatë gola dhe ka ndihmuar me tri asistime, por ka humbur pozitën pasi PSG preferon që sulmi të jetë i ndërtuar nga Mbappe, Neymar dhe Icardi./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm