Inter Miami, tjetër dështim pa Messin në fushë, pranë eliminimit nga Championsi i Concacaf-it

10:02 | 4 Prill 2024
KRG

Pa mbështetjen e Lionel Messit në fushë (ishte në tribunë), Inter Miami humbi me përmbysje 1-2 në shtëpi përballë skuadrës meksikane Monterrey në ndeshjen e parë të çerekfinales së Championsit të Concacaf-it.

Skuadra nga Florida e nisi më mirë dhe e zhbllokoi rezultatin në minutën e 18-të me Avilés pas një goditjeje nga këndi.

Monterrey barazoi në minutën e 69-të, po ashtu në zhvillimet e një këndoreje kur Inter Miami po luante me 10 lojtarë, pasi Ruiz la fushën i ndëshkuar me dy kartonë të verdhë brenda pesë minutash.

Goditja e fundit e skuadrës meksikane erdhi në minutën e 89-të me Rodriguez, që shënoi nga jashtë zonës.

Që nga korriku, Inter Miami ka fituar vetëm dy nga 12 ndeshjet që ka luajtur pa Messin në fushë.

Shpërndaje në rrjete sociale

Lajmet më të lexuara

Të ngjashme

Foto lajm