Inter Miami konfirmon transferimin e Sergio Busquets

22:21 | 16 Korrik 2023
Orgesa Haziri

Inter Miami ka konfirmuar nënshkrimin e ish-kapitenit të Barcelonës, Sergio Busquets.

Busquets vendosi të largohet nga “Camp Nou”, pas një periudhë 15-vjeçare.

Kapitulli tjetër i Busquets do të zhvillohet me veshjen e Major League Soccer, ku ai ka nënshkruar një kontratë deri në fund të sezonit 2025.

“Kjo është një mundësi e veçantë dhe emocionuese që jam shumë i emocionuar ta shfrytëzoj,” tha Busquets

“Isha i impresionuar nga klubi kur erdha me Barcelonën vitin e kaluar dhe tani jam i lumtur dhe gati ta përfaqësoj vetë klubin. Mezi pres të ndihmoj për të sjellë suksesin për të cilin përpiqet ky klub ambicioz.”

Busquets do të lidhet sërish me ish-bashkëlojtarin e tij të Barçës Lionel Messi dhe ish-menaxherin Tata Martino./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm

sq sq