Jose Mourinho ka pranuar se ka lejuar Antonio Valencian të ndëshkohet me karton të kuq sesa të zëvendësojë atë.

Valencia u ndëshkua me karton të kuq në ndeshjen kundër Real Salt Lake City në orët e para të mëngjesit të sotëm (e martë) pas një ndërhyrje nga prapa në Sebastian Saucedon duke detyruar lojtarin të largohet me shtrat nga fusha, transmeton portali arbresh.info.

Gjyqtari Allen Chapman iu afruar trajnerit të Manchester United, Jose Mourinhos, derisa Saucedo ishte duke marrë trajtimin nga mjekët në fushë gjatë pjesës së dytë dhe e pyeti atë nëse dëshiron të zëvendësojë Valencian sepse do ta largojë atë nga fusha.

“Gjyqtari më kërkoi të ndryshojë lojtarin por unë nuk e bërë këtë sepse nuk isha dakord me kartonin pasi Saucedo mendoj që është emri i lojtarit që ishte vërtetë agresiv në pjesën e dytë”, tha Mourinho.

“Disa aksione ishin pak të rrezikshme. Është një djalosh i ri që me entuziazëm luan kundër Manchester United, por është një ndeshje miqësore dhe është një mentalitet ndryshe. Por, është ndeshje parasezonale, kështu që nuk është problem”

“Është një eksperiencë e mirë për ne të luajmë me një lojtar më pak”

Saucedo kishte faulluar paraprakisht Juan Matan, i cili u lëndua gjithashtu dhe nuk do të luaj në ndeshjen kundër Manchester Cityt në Houston.

“Mata ka një problem të madh me kyç të këmbës por shpresoj se nuk është asgjë e rëndësishme. Për disa ditë, një javë ndoshta dhe do të rikuperohet”

Romelu Lukaku hapi llogarinë e tij në Manchester United me një gol të bukur duke i siguruar edhe fitoren për 2 me 1 “Djajve të Kuq”.

“Mendoj që është diçka e mirë vetëm për të, jo e rëndësishme për mua. Para se të shënonte golin unë i kam thënë se dua të japësh gjithçka në fushë, mos u shqetëso nëse shënon apo jo”, shtoi Mourinho./arbresh.info