Ciro Immobile, më në fund, është gati të kthehet në fushë. Sulmuesi i Lazios, i cili ka qëndruar për disa javë në izolim për shkak të infektimit me koronavirus, rezultoi negativ në testin e fundit.
Këtë mëngjes, sulmuesi i lindur në vitin 1991, u paraqit në Paideia për të kryer testet fizike, përgjigjet e së cilave do të japin “ok”-in përfundimtar nëse do të jetë në gjendje të kthehet në stërvitje me shokët e tij të skuadrës.
Për Simone Inzaghin, kthimi i sulmuesit është një lehtësim i madh në një moment vështirësie në nivelin fizik. Ai duhet të kthehet në fushë ndaj Crotones dhe gjithashtu mund të jetë në dispozicion për ndeshjen e Championsit, kundër Zenitit.
Immobile mbërriti në Paideia rreth orës 08:00 dhe bëri shaka me të pranishmit, që e pyetën nëse mund të kontribuonte në ndeshjen kundër Crotones:
“Sigurisht, përndryshe nuk do të isha qenë këtu …”
Prania e fundit e Immobiles në fushë daton pothuajse 20 ditë më parë, në sfidën Torino-Lazio, që përfundoi 2-3 për bardhekaltrit me dy gola në kohën shtesë, një prej të cilëve mban firmën e tij.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...