Portieri Ilir Avdyli ka folur për faqen zyrtare të FFK-së para dy ndeshjeve miqësore të Përfaqësueses së Kosovës në muajin mars.
Kosova do të luajë të premten në udhëtim te Armenia, ndërsa të martën e javës së ardhshme te Hungaria.
Këto dy ndeshje do të jenë të parat në drejtimin e përzgjedhësit të ri, Franco Foda, i cili veçse ka përfunduar dy stërvitje të plota me ekipin e ftuar.
Pas stërvitjes së dytë ka folur edhe portieri i Llapit, Ilir Avdyli, i cili ka treguar privilegjin që ka me ftesën tani, për dallim me grumbullimin e para shtatë viteve.
“Është privilegj i madh të jem pjesë e grumbullimit të Kombëtares së Kosovës”, ka thënë fillimisht Avdyli për faqen zyrtare të FFK-së.
“Është një ndjenjë e veçantë, djelmoshat më kanë pritur mirë dhe shpresojë të kemi rezultate pozitive në këto dy ndeshje miqësore”.
“Kam qenë pjesë e grumbullimit edhe para 7 vitesh kur nuk ishim të pranuar të FIFA dhe UEFA, por sot është krejtësisht ndryshe. Tani ka konkurrencë të fortë dhe normalisht po përgatitemi për t’i zhvilluar ndeshjet e Ligës së Kombeve dhe për ta parë formën e secilit”, përfundoi portieri i Llapit. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite