Google ADS

Igli Tare vazhdon me suksese në Itali, e fiton edhe një çmim prestigjioz

21:09 | 17 Prill 2018
Arbresh Info

Drejtori sportiv i Lazios, Igli Tare, është nderuar me çmimin “Scouting Leader” nga “Football Leader 2018”, për aftësitë dhe intuitën e tij në zbulimin dhe nënshkrimin me talentët e futbollit, që kanë spikatur me Lazion, duke ndihmuar bardhekaltrit të fitojnë trofe të rëndësishëm.

Lojtarë si Keita, Milinkovic Savic, Felipe Anderson, Luis Alberto e De Vrij, janë vetëm disa nga zbulimet e Igli Tares.
Ai la pas në këtë çmim emra të rëndësishëm si Marino, Ausilio, Carnevale, Corvino e Giuntoli.

Krahas Tares u vlerësua edhe trajneri i Sampdorias, Marco Giampaolo, me çmimin “Pankina e Duhur” me motivacionin “trajner i dalluar për sjelljen “fair play”, duke qenë shembull edhe për futbollistët e tij.

Tares dhe Giampaolos, do t’u dorëzohen çmimet në ceremoninë e posaçme të “Football Leader 2018”, që do të zhvillohet më 28 maj në Napoli.

Shpërndaje në rrjete sociale

Lajmet më të lexuara

Të ngjashme

Foto lajm