Google ADS

Icardi vendos përfundimisht për t’u larguar nga PSG-ja, klubi francez ia cakton çmimin

07:10 | 3 Gusht 2022
A. B.

Mauro Icardi raportohet se ka vendosur që të largohet nga Paris Saint-Germaini.

Sulmuesi argjentinas nuk po ia del assesi që të zë vend në formacionin bazë, pasi edhe po përballet me konkurrencë në fazën e sulmit.

Sipas “FootMercato”, Icardi ka njoftuar tashmë drejtuesit e klubit rreth vendimit të tij.

29-vjeçari thuhet se po kërkon të transferohet te një skuadër ku mund të ketë minuta më shumë në këmbët e tij, pasi ai synon të paraqitet sa më mirë me Argjentinën në Botërorin e këtij viti.

Ish-sulmuesi i Interit me Paris Saint-Germainin ka kontratë të vlefshme deri më 30 qershor 2024.

Kampionët e Francës thuhet se janë të gatshëm të lejojnë largimin e tij, nëse ndonjë klub ofron së paku 20 milionë euro./GE/

Shpërndaje në rrjete sociale

Lajmet më të lexuara

Të ngjashme

Foto lajm