Mauro Icardi nuk ndjen presion të madh.
Mauro Icardi nuk e ka nisur në mënyrën më të mirë sezonin e ri. Argjentinasi nuk ka shënuar asnjë gol me Interin, por as me Kombëtaren, ku luajti për 85 minuta kundër Kolumbisë në miqësore. Megjithatë, 25-vjeçari tha se ndihet mirë fizikisht, e çdo gjë do të vijë me kalimin e kohës:
“Kemi bërë një ndeshje të mirë dhe jemi një grup i shkëlqyer tek Argjentina. Personalisht u ndjeva mirë, bëra gjërat që më kërkoi trajneri. Goli do të vijë, gjithsesi jam i lumtur. Më vjen keq që nuk isha pjesë e grupit në Botëror, por tani është e shkuara.”
Këtë fundjavë, Icardi me Interin e tij do të luajnë ndeshjen e katërt të kampionatit kundër ekipit të Parmës. Deri më tani, zikaltrit kanë grumbulluar 4 pikë në 3 ndeshjet e para. Ata kanë pësuar humbje kundër Sassuolos, barazuan me Torinon dhe arritën fitoren e parë me Bolognan. Të martën e ardhshme ekipi i Spallettit do të bëjë rikthimin pas 6 vitesh dhe në UEFA Champions League, ku do të luajë në ndeshjen hapëse me anglezët e Tottenhamit.
Shpërthim me lëndë plasëse në portën e banesës të 32 vjeçari...
Kamala Harris sheh “rritje historike” – sondazhet e NBC dhe ...
Tensionet Izrael-Hezbollah/ Biden: Po bëjmë çdo gjë për të p...
Rama në OKB: Urdhri Bektashi, qendër tolerance
Turbulencat në ajër? 10 gjëra që duhet të dini për një udhët...
Kurti: Kosova është fener i demokracisë dhe të drejtave të n...