Mauro Icardi ka pranuar se mund të largohet nga Inter në merkaton e verës – por vetëm nëse është për të mirën e klubit.
Skuadra e Luciano Spalletti-t pësoi një humbje 2-1 ndaj Sassuolo-s të shtunën, duke zbehur shpresat për një vend mes katër më të mirëve, por barazimi i Lazio-s ka bërë që gjithçka të vendoset në ditën e fundit kur dy skuadrat të përballen me njëra-tjetrën.
Icardi është përfolur për një largim nga Zikaltrit në të shkuarën, ndërsa rregullat e Fair Play Financiar të UEFA-s mund të detyrojnë klubin të shesë yllin e tij.
Sulmuesi argjentinas – i cili ka shënuar 28 gola këtë sezon – ka konfirmuar se do të diskutojë mbi të ardhmen e tij bashkë me klubin në fund të sezonit.
“E përsëris çdo vit, do të flas me klubin,” shprehet Icardi për Sky Sport Italia, përcjell telesport.al.
“Nëse është në të mirën e ekipit, do të qëndroj, përndryshe, do të largohem. Gjithmonë bëj atë që është më e mira për klubin dhe ekipin. Kur të përfundojë sezoni, do të flas me klubin dhe do të shohim se cila është zgjidhja më e mirë.
“Sassuolo? Jemi shumë të zhgënjyer për rezultatin. Ata luajtën një ndeshje të madhe. Portieri i tyre luajti ndeshjen e karrierës.”
Klikoni butonin “send to messenger” për të marrë lajmet e fundit me mesazh, zgjidhni ekipin ose sportin tuaj të preferuar
Asambleja e Përgjithshme e OKB mbledh sot liderët botërorë, ...
Hungari/ Merret në pyetje drejtuesja e kompanisë e lidhur me...
Moti sot në Shqipëri
Shea: Masat e BE-së ndaj Kosovës mund të hiqen këtë vjeshtë
Sot mbahet Maratona e Prishtinës
Dita e fundit e verës me diell, temperatura maksimale arrin ...