Ibrahimovic vonon vendimin për rinovimin e kontratës me Milanin

20:49 | 22 Gusht 2020
A. B.

Zlatan Ibrahimovic ende nuk ka dhënë një përgjigje për ofertën e Milanit për rinovimin e kontratës, kështu që me siguri nuk do të jetë në stërvitjen para-sezonale të hënën.

38-vjeçari arriti si një lojtar i lirë nga LA Galaxy në janar, por marrëveshja e tij do të skadojë më 31 gusht të këtij vitit.

Drejtuesit e klubit Rossoner dhe lojtari janë të interesuar të vazhdojnë bashkëpunimin, por ende nuk po pajtohen rreth kushteve.

Sipas gazetarit Gianluca Di Marzio, nuk ka shenja të një nënshkrimi të afërt në kontratën e re dhe do të duhet më shumë sesa pritej për të negociuar.

Kuqezinjtë pritet të fillojnë stërvitjen para-sezonale të hënën, por duket se nuk ka gjasa në këtë pikë që Ibrahimovic të marrë pjesë nga fillimi.

Ibrahimovic shënoi 11 gola në 20 ndeshje në të gjitha garat për Milanin, duke siguruar gjithashtu edhe pesë asistime. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm