Ibrahimovic e vazhdon kontratën me Milanin, zyrtarizimi sot ose nesër

16:01 | 22 Prill 2021
A. B.

Nuk ka më asnjë dyshim, Zlatan Ibrahimovic do të rinovojë kontratën e tij me Milanin për një sezon tjetër.

Vendimi ishte marrë prej kohësh, por kishin mbetur për t’u sqaruar vetëm disa detaje. Sipas “Sky Sport”, sulmuesi suedez dhe klubi kuqezi janë duke u dhënë zgjidhje çështjeve të fundit burokratike, por marrëveshja është gjetur dhe nënshkrimi dhe njoftimi zyrtar do të ndodhë së shpejti.

Ndoshta tashmë mes kësaj të enjteje në mbrëmje duke u gdhirë e premtja në mëngjes.

Zlatan Ibrahimovic do të veshë fanellën e “Djallit” deri më 30 qershor 2022, që do të thotë se ai do të vazhdojë të luajë përtej 40 vjeç.

Gjiganti suedez do të festojë plot katër dekada jetë më 3 tetor. Shifrat që do të përfitojë gjiganti suedez duhet të jenë të përafërta me ato të kontratës aktuale, pra rreth 7 milionë euro.

Shpërndaje në rrjete sociale

Lajmet më të lexuara

Të ngjashme

Foto lajm