Hysaj gjithnjë e më afër Lazios, kontratë katër vjeçare dhe pagë e lartë për mbrojtësin shkodran

14:32 | 2 Korrik 2021
A. B.

Elseid Hysaj duket se do të bashkohet me Lazion gjatë afatit kalimtar veror.

Mbrojtësi shqiptar është larguar nga Napoli si futbollist i lirë dhe pritet t’i bashkohet ekipit nga kryeqyteti italian.

Takimi mbrëmjen e së enjtes mes përfaqësuesit të tij, Mario Giuffredi, dhe drejtuesve bardhekaltër u mbyll me marrëveshje, e cila pritet të zyrtarizohet shumë shpejt.

Reprezentuesi shqiptar do të nënshkruajë me lacialët një kontratë të vlefshme deri në vitin 2025 me pagë 1.8 milionë euro në sezon, plus bonuset.

Marrëveshja mes palëve tanimë është arritur dhe zyrtarizimi është çështje ditësh.

Sigurisht që rol vendimtar në vendimin e Hysajt ka pasur edhe trajneri Maurizio Sarri me të cilin shqiptari ka punuar te Empoli dhe Napoli.

Hysaj këtë verë u kërkua edhe nga skuadra si Atletico Madrid, Milan, Roma e Fiorentina. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm