Historike: Bayern Munichu fiton për të gjashtën herë radhazi titullin

17:37 | 7 Prill 2018
Arbresh Info

Bayern Munichu është bërë skuadra e parë në histori që ka fituar gjashtë herë radhazi titullin në Bundesliga.

Pas fitores në ndeshjen si mysafirë pasditen e sotme (e shtunë) kundër Augsburgut, “Bavarezët” kanë shkruar historinë duke siguruar sërish titullin në kampionatin gjerman, shkruan portali arbresh.info.

Skuadra nën udhëheqjen e trajnerit Jupp Heynckes mposhti me rezultat 1 me 4 rivalin e sotëm në WWK Arena.

Corentin Tolisso (32′), James Rodriguez (38′), Arjen Robben (62′) dhe Sandro Wagner (87′) ishin autorët e golave në këtë ndeshje për “Bavarezët”, ndërsa goli i vetëm nga nikoqirët u realizua në minutën e 18′ nga Niklas Sule (autogol).

Bayern Munichu në krye të tabelës ka 72 pikë, 20 më shumë se rivali më i afërt – Schalke, dhe tani matematikisht është fitues i titullit në Bundesliga./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm