Herolind Shala i kërkon falje “Dardanëve”

20:18 | 25 Mars 2017
Arbresh Info

Mesfushori i Përfaqësues së Kosovës, Herolind Shala ka kërkuar falje tek “Dardanët” për disfatën e pësuar ndaj Islandës.

Në ndeshjen e zhvilluar në “Loro Boriçi” të Shkodrës në kuadër të eliminatoreve në botërorin “Rusia 2018”, skuadra e trajnerit Albert Bunjaku u mposhtë me rezultat 1 me 2 nga Islanda, shkruan portali arbresh.info.

“U munduam shumë, dhamë gjithçka nga vetja jonë për të arritur një rezultat pozitiv, një fitore për ju që na përkrahni gjithmonë dhe nuk po na leni të vetëm në asnjë moment. Nuk ia dolëm në fund, por ne do të vazhdojmë rrugën e nisur, do t’iu bëjmë krenar, do ta shpërblejmë besimin tuaj me një kampionat evropian apo botëror së shpejti. Faleminderit për mbështetjen dhe na falni për zhgënjimin. Ju duam dardanë”, shkruan Herolind Shala në rrjetin social Facebook.

Kosova pësoi disfatën e katër radhazi duke vazhduar qëndrimin në fund të Grupit I me vetëm një pikë, aq sa ka edhe Finlanda./arbresh.info

https://www.facebook.com/herolindshala/posts/1485385451473670

Shpërndaje në rrjete sociale

Lajmet më të lexuara

Të ngjashme

Foto lajm