Jordan Henderson ka treguar se arsyeja kryesore pse vendosi ta lërë Liveroolin për t’iu bashkuar skuadrës nga Arabia Saudite.

Ai iu bashkua Al Ettifaq, pas 12 sezoneve me “The Reds”, shkruan Arbresh.info.

Sipas anglezit mundësia për të punuar me Steven Gerrard nuk mund të refuzohej.

“Janë momente emocionuese, projekti dhe diçka ndryshe është padyshim një arsye pse doja të vija këtu. Gjatë viteve të ardhshme, jam i sigurt se do të rritet dhe dua të jem pjesë e kësaj. Më pëlqen futbolli, kështu që dua të përpiqem të shkoj në të gjithë botën dhe e di që njerëzit në Arabinë Saudite e duan futbollin. Shpresojmë se ne mund të vazhdojmë të rrisim ligën gjatë viteve të ardhshme dhe unë mund të jem një pjesë e madhe e kësaj. Stevie [Gerrard] ishte një arsye e madhe pse erdha, për të punuar me të dhe për të luajtur nën drejtimin e tij”, tha ai.

33-vjeçari do të fitojë 700,000 funte në javë për të luajtur për klubin saudit – gati 500,000 më shumë se sa fitonte në Liverpool – gjatë kontratës së tij shumëvjeçare me Al Ettifaq./Arbresh.info/