Hazrollaj shkund Llapin, Malisheva merr tri pikë të arta në garë për Evropë

15:06 | 13 Mars 2024
D.H

Malisheva e ka mposhtur skuadrën e Llapit me rezultat 2-1, në kuadër të xhiros së 25-të në Superligën e Kosovës në Futboll.

Fal dy golave të ‘diamantit’ Drilon Hazrollaj, Malisheva arkëton tri pikët e arta në garë për Evropë, shkruan Arbresh.info.

Hazrollaj fillimisht shënoi në minutën e 28-të.

Ndërsa në minutën e 48-të po i njëjti dyfishoi epërsinë.

Llapi pesë minuta më vonë ngushtoi epërsinë përmes Ahmed Januzit.

Kjo fitore ishte shumë e rëndësishme pë Malishevën pasi tani ka 44 pikë dhe është shumë afër zonës evropiane.

Ndërsa për llapjanët kjo humbje do të dhemb fortë pasi kanë humbur mundësinë që të marrin lidershipin pas dështimit të Ballkanit.

Llapi mbetet i dyti me 50 pikë.

Në ndeshjen e ardhshme, Llapi luan në udhëtim derbin me Ballkanin, kurse Malisheva do të ketë punë me Lirinë në Prizren./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm