Hazard dhe Kroos rikthehen për ndeshjen me Chelsean, por mungon Mendy

14:45 | 26 Prill 2021
A. B.

Toni Kroos është rikthyer në stërvitje të hënën para ndeshjes së parë gjysmëfinale të Real Madridit kundër Chelseat në Ligën e Kampionëve, por ka munguar Ferland Mendy.

Mbrojtësi i majtë francez do të mungojë në takimin e parë gjysmëfinal në Ligën e Kampionëve të martën, si pasojë e një lëndimi.

Eden Hazard, i cili la mbresa në rikthimin e tij në fushë në barazimin 0:0 kundër Real Betis të shtunën, stërviti rregullisht dhe pritet të luajë më gjatë kundër ish-klubit të vet.

Kroos kishte munguar kundër Betisit për shkak të problemeve muskulor, por duket se tani është riaftësuar plotësisht dhe pritet të jetë pjesë e skuadrës madrilene për ndeshjen me Chelsean.
Trajneri Zinedine Zidane nuk do të mundë të llogarisë në Sergio Ramosin, Fede Valvderen dhe Mendy. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm